HAZARD AMTAKA KEVIN DE BRUYNE AHAME CHELSEA!!

KATIKA hatua ya kushangaza, Winga wa Chelsea na Belgium, Eden Hazard, amemtaka Mchezaji mwenzake wa Klabu hiyo na pia Belgium, Kevin De Bruyne, ahame Chelsea.

Ushauri huo wa Hazard umetolewa kwa De Bruyne, ambae ndie Mfungaji Nambari Wani wa Timu ya Taifa ya Belgium wakati wa Mechi za Kundi lao la Ulaya la Kombe la Dunia ambalo wamefuzu kucheza, ili kumwokoa apate namba kwenye Fainali za Kombe la Dunia za Mwezi Juni Mwakani huko Brazil.

De Bruyne, ambae alipelekwa Mkopo huko Werder Bremen ya Germany Msimu uliopita, Msimu huu ameanza Mechi 4 tu za Chelsea na hakumaliza hata moja.

Alhamisi iliyopita, Belgium walicheza Mechi ya Kirafiki na Colombia, na De Bruyne, mwenye Miaka 22, alicheza Mechi hiyo huku mmoja wa Watazamaji akiwa Meneja wa Chelsea Jose Mourinho.

Binafsi De Bruyne amekiri ni bora aende kwa Mkopo Klabu nyingine ili aongeze nafasi yake kuwemo Kikosi cha Belgium kitakachocheza huko Brazil kwenye Fainali za Kombe la Dunia na Hazard ameunga mkono hilo.

Akiongea na TV ya Belgium, Hazard alisema: “Hakika, kucheza Kombe la Dunia bila kucheza Mwaka mzima ni ngumu. Bora aondoke Chelsea na kwenda kucheza. Kama tunataka kupata ubora wa Kevin, ni bora aondoke!”

Moja ya Klabu za Bundesliga huko Germany ambazo zinatajwa kumwinda De Brutne ni Schalke ambayo Meneja wao, Jens Keller, amekiri kuvutiwa na Mchezaji huyo.

Keller amelambia Gazeti la Bild: “Kevin de Bruyne ni Mchezaji mzuri sana, ana kipaji kikubwa!”