MESSY MAJERUHI TENA

NI MARA YA 3 MSIMU HUU, MESSI MAJERUHI!

LICHA ya Mabingwa wa Spain, FC Barcelona, kuichapa Real Betis Bao 4-1 na kuzidi kupaa kileleni mwa La Liga wakiwa Pointi 3 mbele ya Timu ya Pili Atletico Madrid, wasiwasi mkubwa umetanda huko Nou Camp baada ya Nyota wao Lionel Messi kulazimika kutoka katika Kipindi cha Kwanza.

Hii ni mara ya tatu kwa Msimu huu kwa Messi kuumia huku ikidaiwa tatizo lake ni lilelile, Musuli za Pajani [Hamstring], na Barca imethibitisha Staa huyo atafanyiwa uchunguzi zaidi hii leo.

Mbali ya pigo hilo, Barca walipata Goli zao kupitia Neymar, Pedro na Cesc Fabregas aliefunga Bao 2.

Real Betis walifunga Bao lao katika Dakika ya 90 kwa Penati ya Jorge Molina na kumaliza Mechi kwa kipigo cha 4-1 kilichowabakisha mkiani mwa La Liga.

Nao wapinzani wa Barca ambao wapo Nafasi ya Pili na wamekuwa wakiwafukuza tangu mwanzoni mwa Msimu, Atletico Madrid, walitoka Sare ya 1-1 huku Bao zote kwenye hii Mechi zikiwa ni za kujifunga wenyewe.

Mario Gaspar alijifunga katika Dakika ya Pili na kuipa Atletico Bao lao lakini katika Dakika ya 79, Juanfran alijifunga na kuifanya Gemu imalizike 1-1.

Jumamosi, Real Madrid iliwachapa Real Sociedad Bao 5-1 na Cristiano Ronaldo kupiga Hetitriki ikiwa ni Hetitriki yake ya 23 kwa Real Madrid.

++++++++++++++++++

LA LIGA

MSIMAMO-Timu za Juu:

[Kila Timu imecheza Mechi 13]

1 FC Barcelona Pointi 37

2 Atletico de Madrid 34

3 Real Madrid CF 31

4 Villarreal CF 24

5 Athletic de Bilbao 23

6 Getafe CF 20

++++++++++++++++++