CITY KUBEBA CAPITAL ONE CUP KUTAISAIDIA UNITED KUCHEZA EUROPA LIGI!

JUMAPILI Manchester City walitwaa Capital One Cup baada ya kuifunga Sunderland Bao 3-1 nahivyo kufuzu kucheza EUROPA LIGI Msimu ujao.

Lakini kwa vile wanategemewa sana kumaliza katika 4 Bora za Ligi Kuu England na hivyo kucheza UEFA CHAMPIONZ LIGI, nafasi yao ya kucheza EUROPA LIGI itakwenda kwenye Timu itakayomaliza Nafasi ya 6 kwenye Ligi Kuu England.

++++++++++++++++++++++++++++

NANI HUCHEZA ULAYA:

-Timu 4 za Juu kwenye Ligi Kuu England hucheza UEFA CHAMPIONZ LIGI

-England inazo Nafasi 3 za kucheza EUROPA LIGI: Bingwa wa FA CUP, Bingwa wa Capital One Cup na Timu ya 5 kwenye Ligi Kuu England.

-Ikiwa Mshindi wa FA CUP amefuzu UEFA CHAMPIONZ LIGI, Nafasi yake kucheza EUROPA LIGI itachukuliwa na Mshindi wa Pili wa Kombe hilo.

-Ikiwa Mshindi wa Pili wa FA CUP nae amefuzu kucheza UEFA CHAMPIONZ LIGI, basi Nafasi yake kwenye EUROPA LIGI itachukuliwa na Timu itakayomaliza Nafasi ya 7 kwenye Ligi Kuu England.

++++++++++++++++++++++++++++

Msimu huu Manchester United wamekuwa wakisuasua na wapo Nafasi ya 7 wakiwa Pointi 12 nyuma ya Timu iliyo Nafasi ya 4 kwenye Ligi, Nafasi ambayo ndiyo ya mwisho kucheza UEFA CHAMPIONZ LIGI.

Pia wapo Pointi 8 nyuma ya Tottenham ambao wako Nafasi ya 5 ambayo ndio Nafasi ya kucheza EUROPA LIGI.

++++++++++++++++++++++++++++

LIGI KUU ENGLAND

MSIMAMO-Timu za Juu:

NA	TIMU	P	GD	PTS
1	Chelsea	28	30	63
2	Liverpool	28	38	59
3	Arsenal	28	24	59
4	Man City	26	42	57
5	Tottenham	28	4	53
6	Everton	27	11	48
7	Man Utd	27	12	45
8	Newcastle	28	-2	43
9	Southampton	29	1	39

++++++++++++++++++++++++++++

Lakini huenda pia Timu ya Nafasi ya 7 nayo ikaweza kucheza EUROPA LIGI ikiwa Mshindi wa FA CUP nae yupo kwenye 4 Bora na hivyo kucheza UEFA CHAMPIONZ LIGI.

Ikiwa Man United watafuzu kucheza EUROPA LIGI kwa kumaliza Nafasi ya 7 hilo nalo litawaletea hali ngumu kwani watalazimika kuanzia Mashindano hayo Raundi ya Tatu ya Mchujo inayoanza kuchezwa Julai 31.