BIGI MECHI LIVERPOOL v CHELSEA, MVUTO MAN UNITED v NORWICH..NI CLASS OF ‘92!

>JE MOURINHO KUPANGA KIKOSI 'DHAIFU' ANFIELD JUMAPILI??

LIGI KUU ENGLAND inaelekea patamu wakati Liverpool wakikaribia kutwaa Ubingwa wao wakwanza tangu 1990 lakini kikwazo ni Bigi Mechi ya Jumapili huko Anfield ambako Jose Mourinho atatua na Chelsea yake wakiwa na matumaini finyu ya Ubingwa huku macho ya Wadau, hasa wa Manchester United, wakielekeza Old Trafford ambako Jumamosi wataikabili Norwich City wakiwa na Meneja mpya, Ryan Giggs, akiwa na Wataalam wenzake alioanza nao tangu Utotoni, ‘THE CLASS OF ‘92’, kina Phil Neville, Nicky Butt na Paul Scholes.

PATA DONDOO FUPI ZA MECHI ZA WIKIENDI:

+++++++++++++++++++++++

LIGI KUU ENGLAND

RATIBA:

[Saa za Bongo]

Jumamosi 26 Aprili 2014

1445 Southampton v Everton

1700 Fulham v Hull

1700 Stoke v Tottenham

1700 Swansea v Aston Villa

1700 West Brom v West Ham

1930 Man United v Norwich

Jumapili 27 Aprili 2014

1400 Sunderland v Cardiff

1605 Liverpool v Chelsea

1810 Crystal Palace v Man City

+++++++++++++++++++++++

SOUTHAMPTON v EVERTON

-St Mary’s

Kikosi cha Roberto Martinez, kinachowania kumaliza 4 Bora, kinaelekea Ugenini huko kwa Mtakatifu Maria baada ya Bosi huyo wa Everton kumteketeza Bosi wa zamani wa Everton, David Moyes kwa kumchapa 2-0 huko Goodison Park na hiyo kuwa Mechi ya mwisho ya Moyes kama Meneja wa Manchester United.

Wakati Everton wana ushindi wa Mechi 3 mfululizo za Ugenini, Sourhampton wao hajwashinda katika Mechi zao 3 zilizopita.

FULHAM v HULL CITY

-Craven Cottage

Bosi wa Fulham, Felix Magath, amesisitiza Timu yake haitoshuka Daraja ikiwa itashinda Mechi zake 2 za Nyumbani zilizobaki na hii ni mojawapo.

Hull City wapo Wembley, kwenye Fainali ya FA CUP dhidi ya Arsenal, lakini kwenye Ligi wako kipindi kigumu baada kufungwa Mechi 4 kati ya 6 zilizopita za Ugenini.

STOKE CITY v TOTTENHAM HOTSPUR

-Britannia Stadium

Stoke City wapo kwenye wimbi zuri ambalo wamefungwa Mechi 1 tu katika 8 zilizopita lakini Tottenham, chini ya Meneja Tim Sherwood, hawatabiriki.

SWANSEA CITY v ASTON VILLA

-Liberty Stadium

Wikiendi iliyopita, Swansea waliifunga Newcastle Ugenini na Straika wao, Wilfried Bony, kufunga Bao zote mbili huko St James’ Park lakini Bony hajafunga Bao Uwanjani kwao Liberty Stadium tangu Februari.

Meneja wa Aston Villa, Paul Lambert, anaamini ushindi kwenye Mechi 1 kati ya 4 zilizobaki utawahakikishia kubaki Ligi Kuu England.

WEST BROMWICH ALBION v WEST HAM UNITED

-The Hawthorns

West Brom wako Pointi 3 juu ya ya zile Timu 3 za Mkiani ambazo hushushwa Daraja mwishoni mwa Msimu na ushindi dhidi ya West Ham, ambao wamefungwa Mechi 3 mfululizo, utawasogeza kwenye usalama hasa ukizingatia Mechi zao 2 zijazo ni ngumu ambazo ni dhidi ya Arsenal, inayowania 4 Bora, na Sunderland wanaopigania uhai wao.

MANCHESTER UNITED v NORWICH CITY

-Old Trafford

Hii ni Mechi ya kwanza kwa Meneja mpya, Ryan Giggs, ambae kwenye Benchi lake atakuwa nao Wachezaji wenzake wa zamani alioanza nao kuchezea Man United tangu wakiwa na Miaka 12, kina Paul Scholes, Nicky Butt na Phil Neville.

Hii ni Mechi yenye mvuto sana, hasa kwa Wadau wa Man United, lakini ni Mechi ya ‘kufa kupona’ kwa Norwich City ambao wako Pointi 2 tu juu ya zile Timu 3 za Mkiani ambazo hushushwa Daraja mwishoni mwa Msimu.

JUMAPILI Aprili 27

LIVERPOOL v CHELSEA

-Anfield

Hii ni BIGI MECHI.

Lakini baada ya Chelsea kufungwa 2-1 na Sunderland Wikiendi iliyopita na kuondoa matumaini yao kutwaa Ubingwa na kufuatia wao kupata Sare ya 0-0 Ugenini na Atletico Madrid kwenye Mechi ya Kwanza ya UEFA CHAMPIONZ LIGI Juzi Jumanne, mkazo kwa Chelsea ni Ulaya na si England tena hasa kwa kuwa wanarudiana na Atletico Jumatano ijayo huko Stamford Bridge.

Hali hii imemfanya Jose Mourinho aombe ridhaa ya Uongozi wa Juu Chelsea kuchezesha Kikosi hafifu dhidi ya Liverpool ili kuwalinda Mastaa wao kwa Marudiano na Atletico Madrid na hasa kuwachezesha Wachezaji ambao Jumatano hawatacheza Mechi hiyo ya Ulaya.

Miongoni mwa hao ni Frank Lampard na John Mikel Obi ambao hawezi kucheza na Atletico baada ya kuzoa Kadi za Njano na hivyo kufungiwa kutocheza Mechi hiyo.

Pia, Chelsea haiwezi kuwatumia Nemanja Matic na Mohamed Salah kwenye Mechi na Atletico kwa vile hawaruhusiwi kucheza na UEFA.

Hivyo, Mourinho yuko huru kuwachezesha Lampard, Obi, Matic na Salah kwenye Mechi na Liverpool bila kuathiri mipango yake ya Gemu na Atletico.

Hata hivyo, Mourinho hawezi kumtumia Ramires ambae amefungiwa Mechi 4 za Ligi baada kukiri kosa la kumpiga Larsson wa Sunderland Wiki iliyopita tukio ambalo Refa Mike Dean hakuliona na Leo hii FA kumpata na hatia.

Liverpool, chini ya Brendan Rodgers ambae alikuwa Kocha wa Vijana na Timu ya Rizevu ya Chelsea wakati Mourinho ni Meneja wa Chelsea katika Kipindi chake cha kwanza kati ya 2004 na 2009, wanahitaji hata Sare kwenye Mechi hii na Liverpool ili wawe mstarini kutwaa Ubingwa lakini hadi sasa wameshashinda Mechi 11 mfululizo za Ligi.

Mourinho, ambae tayari ameshawananga Liverpool kwa kuwaita ‘Wafalme wa Penati’, huenda asikubali kufungwa na Liverpool na kushusha Kikosi thabiti.

SUNDERLAND v CARDIFF CITY

-Stadium of Light

Sunderlana, baada ya kuichapa Chelsea na kutoka Sare na Man City katika Mechi zao mbili zilizopita, sasa wanakutana na Klabu kama wao, Cardiff City, ambao wanasaka ushindi kwa Udi na Uvumba ili wabaki Ligi Kuu England.

Sunderland wako mkiani na juu yao ni Fulham na kufuatia Cardiff City wenye Pointi 1 zaidi ya Sunderland ambao wana Mechi 1 mkononi.

Hii ni Fainali kwa Timu zote mbili.

CRYSTAL PALACE v MANCHESTER CITY

-Selhurst Park

Wakati Mechi hii inaanza, Man City watakuwa tayari wanajijua wamesimama wapi baada ya Liverpool na Chelsea kumaliza kucheza.

Palace wanatinga kwenye Mechi hii wakiwa kwenye wimbi kubwa la ushindi wa Mechi 5 mfululizo na City wataingia wakiwakosa Wachezaji muhimu akiwemo Majeruhi Yaya Toure huku David Silva na Sergio Aguero wakiwa na maamuivu nahamna uhakika kama watacheza.

ARSENAL v NEWCASTLE UNITED

-Emirates Stadium

Aaron Ramsey amerudi dimbani baada kupona na Lukas Podolski amepiga Bao 5 katika Mechi 5 zilizopita na Arsenal wamerudi tena kwenye Reli wakiwania 4 Bora.

Newcastle wao wametandikwa Mechi 5 mfululizo lakini safari hii Meneja wao, Alan Pardew, atakuwepo Benchi baada kumaliza Mechi 5 za Kifungo chake.

LIGI KUU ENGLAND:

MSIMAMO:

NA	TIMU	P	W	D	L	F	A	GD	PTS
1	Liverpool	35	25	5	5	96	44	52	80
2	Chelsea	35	23	6	6	67	26	41	75
3	Man City	34	23	5	6	91	35	56	74
4	Arsenal	35	21	7	7	62	41	21	70
5	Everton	35	20	9	6	57	34	23	69
6	Tottenham	35	19	6	10	51	49	2	63
7	Man United	34	17	6	11	56	40	16	57
8	Southampton	35	13	10	12	50	45	5	49
9	Newcastle	35	14	4	17	39	54	-15	46
10	Stoke	35	11	11	13	39	49	-10	44
11	Crystal Palace	35	13	4	18	28	41	-13	43
12	West Ham	35	10	7	18	38	48	-10	37
13	Swansea	35	9	9	17	47	51	-4	36
14	Hull	34	10	6	18	34	43	-9	36
15	Aston Villa	34	9	8	17	35	49	-14	35
16	West Brom	34	6	15	13	41	54	-13	33
17	Norwich	35	8	8	19	28	56	-28	32
18	Cardiff	35	7	9	19	31	65	-34	30
19	Fulham	35	9	3	23	35	77	-42	30
20	Sunderland	34	7	8	19	33	57	-24	29

+++++++++++++++++++++++++++++

RATIBA MECHI ZIJAZO:

[Saa za Bongo]

Jumatatu 28 Aprili 2014

2200 Arsenal v Newcastle

Jumamosi 3 Mei 2014

1445 West Ham v Tottenham

1700 Aston Villa v Hull

1700 Man Utd v Sunderland

1700 Newcastle v Cardiff

1700 Stoke v Fulham

1700 Swansea v Southampton

1930 Everton v Man City

Jumapili 4 Mei 2014

1530 Arsenal v West Brom

1800 Chelsea v Norwich

Jumatatu 5 Mei 2014

2200 Crystal Palace v Liverpool

Jumanne 6 Mei 2014

2145 Man Utd v Hull

Jumatano 7 Mei 2014

2145 Man City v Aston Villa

2145 Sunderland v West Brom

Jumapili 11 Mei 2014

[Mechi zote Saa 1700]

Cardiff v Chelsea

Fulham v Crystal Palace

Hull v Everton

Liverpool v Newcastle

Man City v West Ham

Norwich v Arsenal

Southampton v Man Utd

Sunderland v Swansea

Tottenham v Aston Villa

West Brom v Stoke