SARAH K,MARTHA MWAIPAJA,CHRISTINA SHUSHO,UPENDO NKONE NDANI YA JIJI LA ARUSHA.
Zikiwa zimebakia siku chache kabla ya Tamasha kubwa la Injili kufanyika ambalo linajulikana kama UPENDO KWA MAMA,Wasanii wakubwa Afrika Mashariki na Kati wanatarajiwa kutua wiki hii ndani ya jiji hilo.
Akiongea na chanzo cha habari hizi mmoja wa wasanii ambao watakuwepo siku hiyo ya tamasha Eng Carlos Mkundi amesema kuwa tayari wasanii wote wamesha thibitisha kutua Arusha mwishoni mwa wiki hii kuja kuwapa burudani wakazi wa Jiji la Arusha pamoja na Wageni mbalimbali ambao watakuwepo katika tamasha hilo wakiwemo wageni kutoka nje ya Nchi.
Amesema maandalizi ya Tamasha hilo yamekwisha kukamilika na kinachosubiriwa kwa sasa ni siku yenyewe iweze kufika ambayo inasubiriwa kwa hamu kubwa na wapenzi wa nyimbo za Injili Hapa Tanzania na nje tamasha ambalo litafanyika siku ya jumapili ya Tarehe 02/11/2014.katika Uwanja wa SHEKH AMRI ABED Arusha.
Pia Bw Carlos amewatoa hofu wakazi wote wa jiji hilo kuhusiana na hali ya usalama na kuwahakikishia kuwa usalama upo wakutosha kwakuwa tayari jeshi la polisi limekubali kutoa kikosi ambacho kitakuwa mahususi kwaajili ya kulinda amani.
Sambamba na hayo amesema tamasha hilo siyo kwaajili ya kutoa burudani pekee bali kuwaenzi wa kina mama kwakuwapa misaada ama mitaji kwa wale ambao wanauhitajio kwakuwa wakina MAMA wengi ndio nguzo kuu katika familia.
Hii itakuwa ni mara ya kwanza kufanyika tamasha kubwa la aina hiyo ndani ya jiji la Arusha ambalo linakuwa mahususi kwa kuwaenzi wakina MAMA kwakuwasaidia kutimiza malengo yao.
