STAMFORD BRIDGE: MAN UNITED YAPIGWA 3-1, UBINGWA….BAI BAI??

>>WADAU WADAI KILICHOBAKI SASA NI KUPIGANIA 4 BORA TU!

>>HETITRIKI YA GWIJI WA CAMEROUN, ETO’O, YAIUA UNITED!

MATOKEO

Jumapili Januari 19

Swansea 1 Tottenham 3

Chelsea 3 Man United 1

++++++++++++++++++++++

MABINGWA Manchester United walitawala Kipindi cha Kwanza na kujikuta wako nyuma kwa Bao 2-0 dhidi ya Chelsea, Bao zote zikifungwa na Gwiji wa Cameroun Samuel Eto’o, kwenye Mechi ya Ligi Kuu England iliyochezwa Stamford Bridge waliyomaliza kwa kipigo cha Bao 3-1 ambacho kwa Wadau wao huenda kimehakikisha kwamba hawawezi tena kutetea Taji lao kwani sasa wako Pointi 14 nyuma ya Vinara Arsenal huku zimebaki Mechi 16.

Pengine kilichobaki kwao sasa ni kuwania kumaliza ndani ya 4 bora ili wafuzu kucheza UEFA CHAMPIONZ LIGI Msimu ujao kwani wapo Pointi 6 tu nyuma ya Nafasi hiyo ya 4.

Chelsea walipata Bao lao la kwanza katika Dakika ya 17, bila kutegemewa kwani Man United ndio waliokuwa juu kimchezo, baada ya uzembe wa kutomkaba Samuel Eto'o ambae alipokea Mpira wa kurushwa na kumhadaa kirahisi Phil Jones kisha kupiga Shuti la Mita 20 na kumbabatiza Mchael Carrick na kumpoteza Kipa De Gea.

Bao la Pili lilifungwa kwenye Dakika ya 45 na Eto’o kufuatia ulinzi duni baada Kona kupigwa na kuokolewa na Mpira kumkuta Ramires aliempasia Cahill aliemsogezea Eto’o na kupachika kilaini.

Bao la 3 lilipigwa tena na Eto’o, ni Hetitriki kwake, kufuatia Kona ya Dakika ya 49 iliyounganishwa na Cahill na kuokolewa na De Gea na kutua miguuni mwa Eto’o ambae alimalizia kilaini kwa mara nyingine.

Javier Hernandez ‘Chicharito’ aliifungia Bao lao pekee Man United katika Dakika ya 78 kufuatia kazi njema ya Danny Welbeck kumfikia Phil Jones ambae shuti lake lilionekana kutokuwa na madhara hadi alipochomoza Chicharito.

Man United walimaliza Mechi hii Mtu 10 baada Nahodha wao Nemanja Vidic kupewa Kadi Nyekundu kwa Rafu mbaya kwa Eden Hazard.

VIKOSI:

CHELSEA: Cech, Ivanovic, Cahill, Terry, Azpilicueta, Ramires, Luiz, Willian, Oscar, Hazard, Eto'o

Akiba: Cole, Lampard, Torres, Mata, Mikel, Matic, Schwarzer.

MAN UNITED: De Gea, Rafael Da Silva, Evans, Vidic, Evra, Jones, Carrick, Valencia, Januzaj, Young, Welbeck

Akiba: Giggs, Smalling, Lindegaard, Hernandez, Cleverley, Fletcher, Kagawa.

REFA: PHIL DOWD

MSIMAMO:

NA	TIMU	P	GD	PTS
1	Arsenal	22	24	51
2	Man City	22	38	50
3	Chelsea	22	23	49
4	Liverpool	22	25	43
5	Tottenham	22	3	43
6	Everton	21	15	41
7	Man Utd	22	9	37
8	Newcastle	22	4	36
9	Southampton	22	4	31
10	Aston Villa	22	-7	24
11	Hull	22	-6	23
12	Norwich	22	-17	23
13	Stoke	22	-14	22
14	West Brom	21	-5	21
15	Swansea	22	-6	21
16	Crystal Palace	22	-17	20
17	Fulham	22	-26	19
18	West Ham	22	-11	18
19	Sunderland	22	-15	18
20	Cardiff	22	-21	18

RATIBA:

[Saa za Bongo]

Jumatatu Januari 20

2300 West Brom v Everton

Jumanne Januari 28

2245 Man Utd v Cardiff

2245 Norwich v Newcastle

2245 Southampton v Arsenal

2245 Swansea v Fulham

2300 Crystal Palace v Hull

2300 Liverpool v Everton

Jumatano Januari 29

2245 Aston Villa v West Brom

2245 Chelsea v West Ham

2245 Sunderland v Stoke

2245 Tottenham v Man City