UCL: MAFANIKIO MAN UNITED MIKONONI MWA ROONEY & ROBIN VAN PERSIE!

MOYES: ‘WAWILI HAO NI MUHIMU KWA KILA KITU CHETU!!’

RATIBA:

[Saa za Bongo]

Jumanne Februari 25

20:00 Zenit St. Petersburg v BV Borussia Dortmund

22:45 Olympiacos CFP v Manchester United

+++++++++++++++++++++++++++++++++

WAKATI Mabingwa wa England, Manchester United, Usiku huu watatinga ndani ya Karaiskakis Stadium, Jijini Athens, Ugiriki  kucheza na Olympiakos kwenye Mechi ya Kwanza ya Raundi ya Mtoano ya Timu 16 ya UEFA CHAMPIONZ LIGI, UCL, Meneja wao, David Moyes, amesema mafanikio yao yapo mabegani mwa Mastaa wao wawili, Wayne Rooney na Robin van Persie.

Msimu uliopita, Rooney na Van Persie walijenga ushirikiano mzuri na kuisaidia Man United kutwaa Ubingwa na mapema Msimu huu walianza vyema na wote haraka kupiga Bao nyingi lakini kuanzia mwanzoni mwa Desemba walikuwa nje kwa kipindi kirefu wakiwa majeruhi na wameanza kucheza tena pamoja Mechi 5 tu zilizopita.

Akiongea kabla ya Mechi ya Leo, David Moyes amesema: “Wao ni muhimu kwa vitu vingi tunavyofanya. Ni Wachezaji wazuri sana. Rekodi yetu tukiwa nao ni nzuri sana kupita tukiwakosa.”

Nae Rooney alisema hatakuwa na furaha hadi atwae UCL kwa mara ya pili na pia alimsifia Mshirika wake Robin van Persie kwa kutamka: “Robin ni Mchezaji hodari sana, na ni mmoja wa Wafungaji wazuri mno Duniani. Kama Meneja alivyosema tuna rekodi nzuri tukicheza pamoja. Lakini bahati mbaya tuliumia kwa wakati mmoja Msimu huu.”

Msimu huu, Rooney na Van Persie wamefunga Jumla ya Bao 26 katika Mechi 50 na ni 3 za kwenye UCL huku Rooney akiwa na 2 na Van Persie 1.

Man United na Olympiakos zimeshakutana mara 4 kwenye UCL, kwenye Makundi Misimu ya

2001/02 na 2002/03 na Man United kushinda Mechi zote 4.

VIKOSI VINAWEZA KUWA:

OLYMPIAKOS: Roberto, Holebas, Papadopoulos, Leandro, Salino, Manolas, Machado, Ibagaza, Samaris, Campbell, Perez.

MANCHESTER UNITED: De Gea, Evra, Vidic, R Ferdinand, Smalling, Januzaj, Carrick, Fletcher, Valencia, van Persie, Rooney

REFA: Gianluca Rocchi [Italy]

UEFA CHAMPIONZ LIGI

Raundi ya Mtoano ya Timu 16

MATOKEO:

Jumanne Februari 18

Manchester City 0 FC Barcelona 2

Bayer 04 Leverkusen 0 Paris Saint-Germain 4

Jumatano Februari 19

AC Milan 0 Atletico de Madrid 1

Arsenal FC 0 Bayern Munich 2

RATIBA:

[Saa za Bongo]

Jumanne Februari 25

20:00 Zenit St. Petersburg v BV Borussia Dortmund

22:45 Olympiacos CFP v Manchester United

Jumatano Februari 26

22:45 Schalke 04 v Real Madrid CF

22:45 Galatasaray Spor Kulübü v Chelsea FC

MARUDIANO

Jumanne Machi 11

22:45 Bayern Munich v Arsenal FC

22:45 Atletico de Madrid v AC Milan

Jumatano Machi 12

Jumatano Machi 12

22:45 FC Barcelona v Manchester City

22:45 Paris Saint-Germain v Bayer 04 Leverkusen

Jumanne Machi 18

22:45 Chelsea FC v Galatasaray Spor Kulübü

22:45 Real Madrid CF v Schalke 04

Jumatano Machi 19

22:45 BV Borussia Dortmund v Zenit St. Petersburg

22:45 Manchester United v Olympiacos CFP