UCHUNGUZI ULIOFANYWA NA SERIKALI KWA USHIRIKIANO NA VIONGOZI WA SOKO LA MCHIKICHINI WABAINI CHANZO CHA MOTO KATIKA SOKO HILO!

Kipande kidogo cha soko kilichobaki. 

Uchunguzi uliofanywa na serikali kwa kushirikiana na viongozi wa wafanyabiashara wa soko la Mchikichini eneo la Karume Ilala jijini Dar es Salaam umebaini kuwa moto ulioteketeza soko hilo ulisababishwa na
uunganishwaji holela wa umeme katika vibanda vilivyo ndani ya soko hilo.

Baadhi ya mizigo iliyookolewa.

Moto ukiendelea kuwaka asubuhi hii.

Hali ilikuwa ni ya kutisha na kusikitisha.

SOKO la Mchikichini jirani na Uwanja wa Karume jijini Dar limeungua na kusababisha hasara kubwa kwa wafanyabiashara wapatao 4, 000, kwa mujibu wa mwenyekiti wa soko, Jumanne Kangogo.

Moto huo inasemekana ulianza kuwaka saa 4 usiku ,
Kwa mujibu wa mwenyekiti waliwapigia watu wa Zimamoto walikuja kwenye saa 4.45 lakini walishindwa kutokana na kasi ya moto ilivyokuwa kubwa.

Kwa niaba ya wafanyabisahara hao, Kangogo ameiomba serikali kuwasaidia kwa njia yoyote kwani mali zao zimeteketea katika moto huo.

Aidha amewataka wafanyabishara wawe watulivu kwa kipindi hiki kigumu kwani mpaka sasa thamani halisi ya mali iliyoteketea na kuibiwa haijajulikana.