Viongozi wa Chadema Mtwara waulalamikia uongozi wa Taifa Uteuzi Viti Maalum

Viongozi wa Mkoa na Wilaya wa Chama cha Demokrasia na mendeleo CHADEMA

Mkoani Mtwara wamelalamikia uongozi wa Taifa katika uteuzi wa nafasi za Ubunge pamoja Udiwani Viti maalumu Bila ya kushirikishwa hali iliyosababisha kuteuliwa viongozi tofauti na waliopendekezwa.

Hii imetokana na kuapishwa kwa Diwani Lulu Ngachinja ambaye hawakumpendekeza katika vikao Rasmi vya Wilaya na Mkoa.

 Katibu mwenezi wa Wilaya Hamis Bakari ametishia kuachana na chama hicho kutokana na kushindwa kuelewa taratibu zinazitumika katika uteuzi wa wabunge pamoja na madiwani wa viti maalum ambao tayari wamekwisha apishwa tayar kwa kuanza kazi.

Wakiongea katika ofisi za mkoa Mtwara  baadhi ya viongozi pamoja na aliyekuwa mgombea Udiwani viti maalum wanasema  uteuzi huo umekuja tofauti na walivyopanga  katika vikao  na kuamua nani Wa kuwawakilisha katika kipindi cha miaka mitano ijayo.

Hamis Bakar katibu mwenezi wa Wlaya mtwara anasema  nafasi ya Mbunge Viti maalumu imepewa mtu ambaye hawakuwahi kufanya naye kazi katika kipindi chote cha Kampeni.

Baadhi ya maeneo wameendelea kutoa malalamiko juu ya uteuzi wa viti maalum kwa wabunge na madiwani jambo ambalo uongozi wa Chadema Taifa wanapaswa kulitolea Ufafanuzi.