WANAWAKE WAPEWA KIPAUMBELE CHA UONGOZI JUU YA UUNDWAJI WA KATIBA NDANI YA CHUO CHA UANDISHI WA HABARI (A.J.T.C)

Mwenyekiti wa baraza la katiba katika chuo cha uandishi wa habari na utangazaji Arusha(A.J.T.C) Bw Oska Prosper Samba akitoa elimu kwa wanafunzi juu ya umuhimu wa katiba katika chuo hicho. Picha na Joseph Moshi.

Mchakato unaoendelea ndani ya chuo cha uaandishi wa habari na utangazaji Arusha juu ya uundwaji  wa katiba mpya ya wanachuo umekuwa na mfumo tofauti baada ya wanawake kuteuliwa na wizara ya sheria na katiba kushika ngazi za uongozi katika baraza hilo la katiba.

Wanawake hao ambao wameteuliwa ndani ya baraza hilo ili kusimamia mchakato huo ukiwemo utoaji wa maoni mpaka kukamilika kwa katiba hiyo wamekuwa wengi kuliko wanaume walioteuliwa ndani ya baraza hilo jambo ambalo linatoa taswia ya wanawake kupewa kipaumbele kikubwa.

Katibu wa baraza hilo bi Emelda Stephano amesema kuwa lazima jamii itambue kuwa wanawake wanuwezo mkubwa sawa na wanaume katika utendaji wa  kazi na utekelezaji wa majukumu mbalimbali katika Nyanja za kiongozi.

Licha ya hayo amesema wanafanya kazi kwa bidii ili kuhakikisha mchakato huo unakamilika kwa kiwango kilichotarajiwa kwani wanachuo wamekuwa wakiongozwa bila kuwapo kwa katiba ambayo inawaongoza na kushindwa kutambua  taratibu za chuo.

Nae Mwenyekiti wa baraza  hilo bw Oska Samba  amesema wameamua kuteua wanawake wengi kushika nyadhifa hizo za kiongozi  na wengine kuwa wajumbe ndani ya baraza hilo ili kuwajengea uwezo na uzoefu wa utendaji kazi katika nafasi za  kiongozi tofauti na ilivyozoeleka.

Amesema kuwa mabadiliko  na kipaumbele cha kuwateua wanawake hao katika baraza la uundwaji wa katiba imeleta chachu ya utendaji wa kazi kwakuwa kila mmoja wao anajitahidi kuonyesha uwezo wake wa utendaji wa kazi na hiyo kufanya zoezi hilo kwanda haraka tofauti na walivyotarajia.

Katika mchakato huo wanachuo hao wamepewa fursa ya kutoa maoni yao juu yanini kiwepo ndani ya katiba hiyo ambayo itakuwa na manufaa kwao pamoja na vizazi vijavyo hasa katika tasnia kongwe ya Uandishi wa habari hapa nchini hasa kwa kutambua haki zao za kimsingi katika taaluma yao

Baraza hilo la katiba ambalo liliteuliwa na waziri wa sheria na katiba bw.Agape Msumari linatarajia kumaliza kukusanya maoni ya uundwaji wa katiba siku ya jumanne tarahe12Nov2013 ambapo itatoa fursa kwa wizara ya sheria na katiba pamoja na baraza kujadili maoni hayo.