HII HATARI!!!!MTANDAO MWINGINE WA MAUAJI YA WANAWAKE WAIBUKA ARUSHA

Wakati operesheni ya kuwatafuta watu wanaolipua mabomu kwenye   mikusanyiko ya watu ukiendelea katika maeneo mbali mbali ya mkoa  wa Arusha mtandao mwingine wa mauaji ya wanawake umeibuka na  tayari mwanamke mmoja ameuawa kwa kupigwa risasi na wengine     wamejeruhiwa.

Kamanda wa polisi wa mkoa wa Arusha Lebaratusi Sabas amesema  tayari wameshaanza kukabiliana na wimbi hilo ambalo wauaji   wanapotekeleza azma yao hutokomea kusikojulikana bila kuchukua  kitu chochote.

Kamanda Sabas ametaja mwanamke aliyeuwa kuwa ni  Samimu Rashidi  aliyepigwa risasi na kufa papo hapo akiwa ndani ya gari lake tukio lililotokea katika eneo la kwa Iddy jijini  Arusha na mwingiene   aliyetajwa kwa jina la Flora Porokwa aliyepigwa risasi katika  eneo hilo  hilo na kwa mazingira hayo hayo.

Aidha kamanda Sabas amesema hakuna mtu aliyekamatwa na wanaendelea kuwatafuta watu wanaojihusisha na mtandao huo na  amewaomba wananchi kutoa ushirikiano.

Katika hatua nyingine idadi ya watuhumiwa wa mtandao wa milipuko  ya mabomu na kuwamwagia viongozi wa dini tindikali imeongezeka   baada ya watu watuhumiwa wengine wanne kukamatwa wakidaiwa  kujihusisha na mtandao huo.

Wakati huohuo watuhumiwa 16 wanaohusishwa na ulipuaji wa  mabomu katika maeneo mbalimbali ya jiji la Arusha wamepandishwa  kizimbani kwa mara sita katika mahakama ya hakimu mkazi mkoa wa  Arusha.

Hadi sasa watuhumiwa zaidi ya 40 wanaohusishwa na mtandao wa  kulipua mabomu na kuwamwagia viongozi wa dini tindikali   wameshakamatwa na kufikishwa mahakamani na bado msako wa  kuwatafuta wengine akiwemo anayedaiwa kuwa kinara wa mtandao  huo Yahaya Hassan Hela unaendelea.

NA ITV.CO.TZ